كيكه الجيلي الوهميه

كيكه الجيلي 😍😍

المقادير 

نص كيلو دقيق اسبونج ابيض وعليه 6 بيضات ونص كوبايه مايه دافيه ونضربها بالمضرب حوالي ربع ساعه 

وفي صينيه مقاس 26 نستخدم 2 باكو جيلي فراوله ونعمله بالطريقه العاديه وناخد منه كوبايه بس نشيلها في جمب

وفي الصينيه نحط باقي الجيلي ونقطع قطع موز اوفراوله 

وحطيتها في الثلاجه ساعتين

ونكون عملنا الكيكه ونسيبها تبرد ويكون الجيلي مسك نفسه 

ونحط الكيكه فوق الجيلي 

ونخرم الكيكه ونحط عليها كوبايه الجيلي اللي سبناها علي جمب 

وحطيها تاني في الثلاجه لمده ساعتين وبعدين نقلبها علي الوش وبالهنا والشفا 

بطاطس جراتان لازم تجربوها

بطاطس جراتان لازم تجربوها طريقه سهله وبسيطه وهتحبيها جداااا واولادك هيحبوها 😍😍

3 بطاطس متقطعين شرايح اتخن من الشيبسي 
علبه كريمه لباني 
 او 
لبن مدوب فيه قشطه
 ملح وفلفل 
رصي كله في البايركس بحيث السوايل تبقي مغطيه البطاطس حاجه بسيطه 
غطيه بفويل ودخليه الفرن لحد مايستوي خالص وبعدين حطي موتزاريلا علي الوش وولعي الشوايه تاخد لون وبس كده 😀

 

سلطه الرنجه بالمايونيز

 سلطه الرنجه بالمايونيز والطحينه اتمني تعجبكم حبايبي 😊😊
يلا بينا وادي صوره تشويقيه 😀😂

الرنجه هنسخنها لحد ما الجلد يكون سهل انه يتشال تمام كده 
هنفصصها وهنشيل منها السفا ونحطها في طبق 
نقطع بصل اخضر وفلفل اخضر وطماطم قطع و3 معالق كبار مايونيز ومعلقتين طحينه كبار 
وشويه زيت وشويه كمون وقلبي كله مع بعض 
وندخلها الثلاجه شويه وبالهنا والشفا علي قلوبكم 😍

شيش طاووق السهل الممتنع

 شيش طاووق 

السهل الممتنع
انا بحبه بصدور الفراخ بس اساسه الوراك والفرارجي اصلا بيعمله بالوراك لانه ارخص
صدور فراخ وقطعتها قطع ومعاها بصل وفلفل وطماطم وتبلت كله مع بعضه بزبادى ومسطردة وكاتشاب وبهارات فراخ ورشة زعتر وملح وشوية زيت وعلى أعواد الشيش بقى ورصيتها وعلى صينية سخنة اوى ادتها صدمة وعالفرن بقى يكمل سواه ومعاه سلطة طحينة والف هنا

العب ياصيف

رووووووعة اذا وصلك المنشور علقي بتم وحطي لايك :)

الرقاق الجميل اتمني تجربوه

 الرقاق الجميل اتمني تجربوه هيعجبكم اوي :)

 رقاق محشي لحمه وفراخ وفلفل اخضر ونحط عليهم حته جبنه قريش ونحط طبقه رقاق وبعد كده حطيت طبقه جبنه مشلله وبعدين حطيت الطبقتين التانين وبعدين بيضه وكوبايه لبن
وتدخل الفرن علي حراره 180 لحد ماتحمر واشغل الشوايه

 وسلطه طحينه بالزبادي والخيار عملتها بطحينه وخل وزيت ودقه توم وخل وفلفل احمر واخضر وتوابل وشطه وزبادي وجواها طرنشات خيار بس سلطه تتاكل لوحدها مش محتاجه حاجه معاها

الفراخ عامله قلبان في البيت

واليكم الفراخ المشوية اللي كانت عامله قلبان في البيت من ريحتها 😍

 كانت تحفه بجد
بجيب الفراخ وبتبلها قبل بيوم رشه ملح وفلفل وبابريكا وسماق وكاري ومبشور بصل  وتوم بودر وهي في التتبيله بعملها بالفحم تاخد ريحه
ولما اجب اعملها برضو وهي في الفرن بحط فحم مولعه معاها في الصينيه
بتاخد حوالي ساعه ونصف علي اعلي حراره في الفرن وبالهنا والشفا  :)
جربوها هتعجبكم اوي شجعوني بكومنت ودعوة حلوة واعملو متابعه بليز وشكرا

قراقيش سادة وبالعجوة 

 
كل سنة وانتم طيبين
انا بحبها ناعمة ودايبة شوية
كيلو دقيق عليه نص سمنة ملعقتين كبار سمسم ومعلقة خميرة ومعلقتين سكر ونعجن باللبن
تخمر نقسمها ونقطعها قطع ونفردها ونقطع ولو محشية نفردها ونحط الحشو وفوقها جزء كمان من العجينة وتدخل فرن ساخن تحمر من تحت وفوق تاخد اللون الحلو ده وبالهنا

بلح الشام مقرمش. من برا وجميل 💝💞

كوب وربع دقيق وكوب مياة وربع زيت 
وفانيليا ورشة ملح ومعلقة سكر كبيرة 
و3بيض ونجهز له شربات تقيل بارد
عالنار نحط كوب ماء ومعاه ربع كوب زيت ولما يغلى 
ننزل بالدقيق ونقلب لحد ما يختفى ويبرد الخليط ننزل بيضة بيضة ونقلب هتبقى عجينة لينة وطرية وملزقة هى كده 
ونحط اخر حاجة الفانيليا ورشة خل ونحطه ف كيس حلوانى وعلى زيت بارد لحد ما يتلون باللون الجميل ده وياخد وقته علشان يستوى من جوا تطلعه ع شربات تقيل بارد

قلب الباذنجان اوعي ترميه

 استفيدي من قلب الباذنجان :)

بصوا يا جماعه الطريقه دي اتعلمتها من امي حبيبه قلبي بعد ما بنقور البازنجان مش بنرمي القلب ولا القمع اللي فوق زي ما موضح بالصور وبحطهم في مايه بخل وملح عشان ميسودش لحد لما اخلص تقوير الكميه كلها وبعدين بصفيه واقليهم في معلقتين زيت واكون مجهزه فصين توم وليمون وخل وطحينه وكمون وفلفل احمر وملح واهرسهم زي بابا غنوج بيكون الطعم تحفه وفي نفس الوقت استفيد من البازنجان كله ومش برمي منه حاجه
جربي وان شاء الله هيعجبكم وقولولي رايكم

يلا ابداي وخزني الملوخيه

طريقة سهلة لتخزين الملوخية🌷🌷

قطفتها وغسلتها وسيبتها تتصفي وتتهوي شوية 
وحطيتها في اكياس وهي ورق من غير اي حاجة وشيلتها في الفريزر 
وبعدين تطلعيها وبسرعة تكسريها نصين بايدك وتفرميها في الكبة بتلجها ماتسيبيهاش ثانية واحدة عشان لو فكت هتسود وتكون الشوربة بتغلي قبلها علي النار تنزليها بسرعة في الشوربة تغلي غلوة وتنزلي عليها بالتوم والكزبرة
وماشاء الله لا قوة الا بالله خضرا وجميلة وكأنها فريش وزي اللي معمولة بالمخرطة ومش متعبة زي الطرق اللي لازم تخرطي كمية كبيرة او تنزليها في ماية مغلية وبعدين ماية ساقعة لأ انتي كل مرة تشتري فيها ملوخية هاتي اتنين كيلو زيادة او حسب ما تحبي ويادوب هتقطفي وتغسلي وتشيلي بس
لوعجبتك شجعيني بدعوة حلوة ولك المثل :)

احلي حواوشي دهولا ايه

احلي حواوشي دة ولا ايه ❤❤

الطريقه كيلو دقيق عليه معلقه كبيرة خميرة فوريه ورشه ملح
معلقه كبيرة خل معلقه كبيرة زيت
واحده زبادي
وكيس نيدو
ومايه دافيه للعجن
اهم حاجه العجن يادوب ربع ساعه عجن
ونغطي العجينه وتتساب تخمر

في ناس بتستسهل وتجيب عيش الاسمر اللي هوا بالرده هو كمان حلو اوي 
الحشو فراخ شيش طاووق مقطعه صغير معاها بصل وفلفل وجزرة مبشورة ومعلقه خل واحده زبادي ملح فلفل رشه قرفه بابريكا
وزعتر تتساب ف التتبيله أقل شئ ساعتين
ونساويها عالنار لحد ما تنشف
ونفرد العجين ونحط الحشو وجبنه شيدر ونحط عجينه تاني من فوق ونلف الاطراف وعليها رشه سمسم وعالفرن يكون سخن

وفي ناس طبعا اساسها باللحمه المفرومه وماتكونش متسبكه بحط عليها التوابل زي مبشور البصل او بصل بودر وتوم باودر وفلفل طرنشات وطماطم طرنشات وبصل قطع ورشه ملح وفلفل وبقلبهم مش بفعصهم تمام ياحلوين
وبحط الحشو ده  في العيش الاسمر الجميل وبجيب صينيه مدهونه بالزيت وبحط العيش وبدهنه من فوق بالزيت وبدخله فرن سخن علي 180 تاخد حوالي تلت ساعه وبقلبه علي الوش الثاني يتحمص ويتقرمش شويه وبالهنا والشفا

بودنج الكريمه والكاكاو اكله ولادي المفضله

بودنج بالكريمه والكاكاو أكلة ولادي المفضله 😍😍

 الطريقه 💛

بتحطي طبقة بسكويت مش مطحون في بايركس وعليه طبقه كريمه وكمان طبقة بسكويت وعليه طبقه كريمه بالكاكاو وكذلك لحد ما تخلصي كل كمية الكريمه والبسكويت وع الوش زينيها زي ما تحبي 

طريقة الكريمه 2 كوب لبن ومعلقه زبدة أو قشطه و2 معلقة نشا وبيضة مخفوقه وفانيليا ولما تتقل اقسمهم نص ساده ونص ازود عليه معلقتين كاكاو وممكن اسيبها كلها ساده 
جربوها هتعجبكم اوي وبالهنا والشفا 

مين جرب تشيز كنافه بالمانجه

تشيز كنافه بالمانجه 

وبما أن رمضان خلص ممكن نبدل الكنافة بالبسكوت وتبقي تشيز كيك عادي💛
الطبقة الاولي بتجيب الكنافة مجمده من الفريزر تتكسر وتتحمر في سمنه وبعدين تتسقي بالشربات 
ممكن عشان تبقي اسهل نكسرها في الكبه تبقي احلي 
شربات الكنافه عباره عن 2 كوب سكر وكوب الا ربع مابه ولما تغلي بعصر نص ليمونه ومعلقه فانيليا ولما تغلي واحس انها تقلت بقفل وبستخدم يادوب كوبايه والباقي في الثلاجه 

 البسكوت هنطحنه على طول مع معلقتين سمنه سايحين

تاني طبقه كيسين كريم شانتيه يضربوا مع كوبايه ونص لبن متلج وننزل باللبن واحده واحده عشان يربط مش مره واحده ولما يربط ننزل ب8 قطع جبنه كيري وعلبه زبادي وكوبايه سكر بودره ومانجايه متقطعه وكيس جيلي مانجه متدوب في كوبايه  الا ربع ميه دافيه 
هنحط نص كوبايه ونركن الربع ونضرب لحد مالجبنه تنسجم مع الخليط ونحطها عالطبقه التانيه وفالتلاجه6 ساعات أنا حطتها فالفريزر ساعتين وجبت الطبقة التالتة اللي هي مانجه قطع وقلبت معاهم ربع كوب الجيلي المتدوب وحطيتها عالوش ورجعتها الثلاجه تمسك اكتر
وبالهنا والشفا علي قلوبكم :)

للعقول الراقيه اسمعي

`للعقول الراقية
فقرة عندك علم ☺☺☺☺

 

1- ﻋﻨﺪﻙ ﻋﻠﻢ ﺍﻟﺨﻼﻓﺎﺕ ﺍﻟﺰﻭﺟﻴﺔ ﻭﺍﻟﻌﺮﺍﻙ ﻳﻨﺘﺘﻬﻲ ﺑﻤﺠﺮﺩ ﻗﺮﺍﺀﺓ ﺳﻮﺭﺓ ﺍﻟﻤﺆﻣﻨﻮﻥ🙆

2 - ﻋﻨﺪﻙ ﻋﻠﻢ ﺇﺫﺍ ﺇﻧﺘﻲ ﻣﻈﻠﻮﻣﻪ ﺗﻘﺮﻱ ﺳﻮﺭﺓ ﺍﻟﺮﻭﻡ ﺭﺑﻲ ﻳﺄﺧﺪﻟﻚ ﺣﻘﻚ ﺛﺎﻟﺚ ﻭﻣﺜﻠﺚ❤

3 - ﻋﻨﺪﻙ ﻋﻠﻢ ﻟﻤﺎ ﺗﺮﺩﺩﻱ ﻳﺎﺟﺎﻣﻊ ١١ ﻣﺮﺓ ﻭﻳﺎﻭﺩﻭﺩ ٢٢ ﻣﺮﺓ ﻗﺒﻞ ﺍﻟﻨﻮﻡ ﻭﺇﻧﺘﻲ ﻣﺘﻌﺎﺭﻛﺔ ﻣع زوجك ﺭﺑﻲ ﻳﺨﻠﻴﻪ ﻳﺠﻲ ﻳﺼﺎﻟﺤﻚ❤

4- ﻋﻨﺪﻙ ﻋﻠﻢ ﺇﺫﺍ ﺗﻌﺎﻧﻴﻦ ﻣﻦ ﺿﻴﻖ ﻭﻗﻬﺮ ﺗﻘﺮﻱ ﺳﻮﺭﺓ ﻳﻮﺳﻒ ﺗﺮﺗﺎﺣﻲ ﻭﺗﻜﻮﻧﻲ ﻣﻨﺘﺼﺮﺓ❤👰💑

5 - ﻗﺒﻞ النوم ﺃﻗﺮﻱ ﺳﻮﺭﺓ ﺍﻟﻤﻠﻚ ﺗﻘﻴﻚ ﻣﻦ ﻋﺬﺍﺏ ﺍﻟﻘﺒﺮ ﻭﺗﻨﻮﺭ ﻗﺒﺮﻙ ﺑﻌﺪ ﻋﻤﺮ ﻃﻮﻳﻞ❤📖

6 - ﺇﺫﺍ ﻋﻨﺪﻙ ﻧﻴﺔ ﻓﻲ ﺷﻲﺀ ﻓﻲ ﺑﺎﻟﻚ ﺭﺩﺩﻱ ﺩﺍﺋﻤﺂ ﺳﻮﺭﺓ ﺍﻟﻨﺼﺮ ﺇﻥ ﺷﺎﺀ ﺍﻟﻠه❤

7- ﺗﻌﺎﻧﻴﻦ ﻣﻦ ﺍﻟﺮﺯﻕ ﺍﻟﻘﻠﻴﻞ ﺳﻮﺭﺓ ﺍﻟﻮﺍﻗﻌﺔ ﺗﺒﺪﻱ ﺑﻴﻬﺎ ﻣﻦ ﺍﻟﺨﻤﻴﺲ ﺑﻌﺪ ﺁﺫﺍﻥ ﺍﻟﻌﺸﺎﺀ ﺗﻘﺮﻳﻬﺎ📖
ﺧﻤﺲ ﻣﺮﺍﺕ ﻣﺘﺘﺎﻟﻴﺔ ﺍﻟﻤﺪﺓ ﺳﺒﻊ ﺃﻳﺎﻡ ﺇﻟﻰ ﺃﻥ ﺗﻮﺻﻠﻲ ﺇﻟﻰ ﺍﻟﺨﻤﻴﺲ ﺍﻟﺜﺎﻧﻲ ﺗﻘﺮﻳﻬﺎ ٦ ﻣﺮﺍﺕﺍﻟﺮﺯﻕ ﻳﺠﻴﻚ ﻣﻦ ﻛﻞ ﻣﻜﺎﻥ ﻣﺠﺮﺑﺔ❤💵💴

8 - ﺇﺫﺍ ﻋﻨﺪﻙ ﻣﺘﻮﻓﻲ ﻻﺳﻤﺢ ﺍﻟﻠﻪ ﺃﻗﺮئي له ﺳﻮﺭﺓ ﻳﺎﺳﻴﻦ ﻭﺍﻟﻤﻠﻚ ﻭﺍﻟﺪﺧﺎﻥ ﻭﺃﻫﺪﻳﻬﻢ ﻟﻴﻪ ﺗﻮﺳﻊ ﻗﺒﺮﻩ ﻭﺗﺸﻔﻌﻠﻪ ﺑﺈﺫﻥ ﺍلله
😘😘😘😘😘

❤❤ دعوه حلوه ❤❤
انا مش هجيبلك معلومات تانى وأبقى شوفى هتتصرفى وتحلى مشاكلك ازاااى😂😂👌👌