البيتزاااااااا

بيتزا😍😍

العجينه 👇
2كوب دقيق. معلقه صغيره توم بودره .معلقه صغيره بصل بودره. معلقه صغيره زعتر .2 معلقه زيت. 3 معالق صغيره زبادي .رشه ملح. وفلفل 2معلقه صغيره خميره .معلقه سكر صغيره
الصلصه👇
طماطم وعليها فصين توم تضرب ف الخلاط وتتساب تتسبك وعليها ملح وفلفل
الحشو👇
سجق وموتزريلا وجبنه تركي و طماطم و فلفل زتون
الطريقه 👇
بنخلط الدقيق و التوم البودرة و البصل البودره والزعتر والملح والفلفل والزبادي وهنجيب كوب نحط فيه نص كوب مياه دافيه ومعلقتين الخميره ومعلقه السكر ونسيبهم يخمروا ولما يخمروا نضفهم ع المكونات الجافه وبعدين نحط الزيت ولو احتاجت بقي دقيق أو مياه نزود ونعجن فيها شويه ونسبها تخمر انا سبتها ساعتين و بعدين هندهن الصينية ونفرد العجينه ونحط الصلصه وعليها الطماطم والفلفل والزتون والسجق وانتي واختيارك وندخلها الفرن ولما استوت طلعتها ورشيت عليها من فوق الموتزريلا والتركي
وبالهنا والشفا

الفراخ بالطريقه اليونانيه

الفراخ بالطريقة اليونانية طعمها حلووو اووى 

 
تغيير عن المعتاد 
 بتجيبى اوراك او فرخة براحتك وتعملى فيها شقوق بالسكينة وتجيبى طبق تحطى فيه زبادى وشوية توم حلوين يعنى طعمه جامد وتحطى شوية زيت ويفضل زيتون ولو مفيش زيتون اى زيت والبهارات وملح وفلفل وتبات فالتتبيلة وتانى يوم عالفرن من غير نقطة مياة هتستوى لوحدها والف هنا