الله علي ريحه الكفته المشويه

الكفته المشويه ❤❤❤

الشوي 🍖يعني الصيف واللمه والبحر والرحلات🌞🏖 الكفته يعني ريحه تخليك مبسوط❤ ولو واكل هتجوع السهل الممتنع الحاجه الوحيده اللي ليها مليون طريقه وكل مره بنسمع جمله خطيره وبالاخر النتيجه بتكون زيها زي. غيرها 😞
البوست ده تعليمي ومهم جدا
هعرفك ازاي تطلع الكفته موش مكتومه ولذيذه ومتفكش منك
مبدئيا كده كفته الحاتي مفيهاش عيش ولابقسماط ولارز ولادقيق ولا عجب العجاب البنسمعه
كفته الحاتي بكل بساطه 500 جرام لحم مفروم
- 50 جرام ليه
- نصف حزمه بقدونس مفريه رفيع جدا
- بصله متوسطه مفريه ( لو ابيض بيكون جاف لايحتاج عصر احمر اعصري وضيفي التفل وصبعي بالميه
- توابل ( ملح /فلفل / بهارات لحم )
بضيف باكت مرقه فوريه ده حسب الرغبه
الطريقه:-
- نخلط كل المكونات جيدا ونغطيها وندخلها التلاجه ساعتين
-ّ نصبع علي سيخ وده مبيسمحلهاش انها تكش وتكبس وقدامنا اختيارين ياتدخل الفرن او عالجريل او شوايه الفحم لو بالفرن تكون سخنه جدا مده لاتقل عن ساعه الكفته بتاخد من 10 ل 15 دقيقه عالاكثر اكتر من كده هتنزل السوائل بتاعتها ويبدا يبان لونها جاف ومفهوش لمعه
في اسئله بتدور بمخكم انا عارفه طيب فايده اليه بتديك هشاشه وطعم والمعه المحببه طيب معنديش ضيفي نص معلقه بيكنج بودر صغيره + معلقتين بقسماط الدهون بتخلي اللحمه تمسك ومتفكش معندكيش بيلي رغيف فينو وصفي كويس جدا وكده بقت كفته بس موش كفته حاتي
لو زودتي وقت النقع هتفقد القيمه الغذائيه وبتعرضي نفسك لتسمم غذائي
لو حبه تشوي بفحم هاتي فحم موالح هو افضل بشوي معندكيش شوايه هاتي صنيه قديمه وعالبوتاجاز وحطي الفحم بعد مايولع فيها وحطي شبكه البوتجاز واشوي 😉
وانت بتشويها هتنزل دهونها متقلقيش 😉

مين مابيحبش الحواوشي

الحواوشي  الله بجد طبعا من الاكلات الشعبيه المصريه اللي بيحبها سواء اطفال اوكبار لما لها من طعم شهي ومذاق رائع يلا بينا نشوف الخطوات

افضل انواع الخبز اللي بنستخدمه هو الخبز الاسمر اللي هوا بالرده وطبعا صحي كتير عن العجينه
يعتمد حشو الحواوشي علي اللحم المفروم
ولازم يكون لحم ني وليس متسبك تمام كده عشان يبان كانه زي بتاع بره بالضبط
هنجيب بوله ونحط الكميه اللي احنا عايزنها من اللحم
وعليها بصله كبيره قطع صغير مش مفروم
و2 طماطم قطع صغيره زي السلطه كده
وفلفل اخضر ولو في الوان زي ماتحبي
رشه ملح
رشه فلفل
اي بهارات عندك
وموجود عند العطار بهارات حواوشي بس عادي مش لازم
المهم هقلب كل المكونات دي مع بعض لكن مش افعصهم فاهمين يعني تقليبه بسيطه 
وبجيب العيش بقطعه بالسكين من الطرف بحيث انه يتحشي من جواه ومايقعش وبحشي العيش باللحم المفروم

وبعدين بجيب صينيه الومنيوم وبفرشه بورق فويل وبحط العيش المدهون من تحت وعلي الوش قليل جدا من الزيت
ويدخل فرن سخن علي حراره 180 هياخد تقريبا تلت ساعه واقلبه علي الوش 10 دقايق يتقرمش بيبقي طعمه يجنن وبالهنا والشفا علي قلوبكم حبايبي