بيتي يابيتي ونظافته

أفكار بسيطه لتنظيف البيت😣😣😣😣😣😣
ـــــــــــــــــــــــــــــــ

1..حطى ديتول ﻓﻲ ﺍﻟﺴﻴﻔﻮﻥ نظافه وتحسين برائحة التعقيم
2...ﺍﻟﺨﻞ ﻣﻊ ﺳﺎﺋﻞ ﺍﻟﻐﺴﻴﻞ ﺍﻟﻤﻮﺍﻋين ﻳﻌﻄﻴﻬﺎ ﻟﻤﻌﺎﻥ ﺭﺍﺋﻊ
3..ﺧﻠﻂ ﺍﻟﺪﻳﺘﻮﻝ ﻣﻊ ﻛﻮﻣﻔﺮﺕ ﻣﻊ ﺍﻟﻤﺎﺀ ﻟﺘﻤﺴﻴﺢ ﺍﻻ‌ﺑﻮﺍﺏ ﻭﻏﻴﺮﻩ
4..اﻟﺨﻞ اﻻبيض ﻣﻊ ﺍﻟﻤﻼ‌ﺑﺲ ﺍﻟﺒﻴﻀﺎﺀ روعه بدل الكلوركس
5..ﺣﻮﺽ ﺍﻟﻤﻄﺒﺦ ﺍﻟﻤﺴﺪﻭﺩ ﻧﻀﻊ ﻓﻲ ﺍﻟﺒلاﻋﺔ ﻣﻠﺢ ﺧﺸﻦ ﺩﻗﻴﻘﺔ
ﺛﻢ ﻣﺎﺀ ﺳﺎﺧﻦ ثم كلوركس .
6..ﺑﻘﻊ ﺍﻟﺤﺒﺮ ﺍﻟﻠﻲ ﻋﻠﻰ ﺍﻟﻤﻼ‌ﺑﺲ ﺗﺮﻭﺡ ﺑﻼ‌ ﺭﺟﻌﻪ
ﻋﻦ ﻃﺮﻳﻖ ﺩﻋﻜﻬﺎ ﺑﺎﻟﺪﻳﺘﻮﻝ ﺍﻟﻐﻴﺮ ﻣﺨﻔﻒ
ﻓﺤﻢ ﻓﻲ ﺍﻟﺜﻼ‌ﺟﺔ ﻳﺸﻔﻂ ﺍﻟﺮﻭﺍﻳﺢ .
7..ﺟﺮبتى ﺍﻟﻌﻄﻮﺭ ﻓﻲ ﺍﻟﻤﻜﻨﺴﻪ ﻣﺜﻞ ﺍﻟﻤﺴﻚ ﺗﻈﻞ ﺭﻳﺤﺘﻬﺎ ﺷﻬﻮﺭ
8..ﺍﺳﺘﺨﺪﺍﻡ ﺍﻟﺨﻞ ﺍﻻ‌ﺑﻴﺾ ﻟﺘﻨﻈﻴﻒ ﻟﻮﺡ ﺍﻟﺘﻘﻄﻴﻊ ﺭﻭﻭﻭﻭﻋﺔ
9..ﺧﻠﻂ ﺩﺍﻭﻧﻲ مع ماء في بخاخ لرش الخزانات والدوﻻب من الداخل ريحتها تصير ﺭﻭﻭﻋﺔ .
10..ﺍﻟﻤﻨﺎﺩﻳﻞ ﺍﻟﻤﻌﻄره ﺍﺳﺘﺨﺪﻣﻴﻬﺎ ﻓﻲ ﺗﻨﻈﻴﻒ ﺍﻟاحذيه و ﺍﻟﺠﻠﺪ
11..ﺍنقعى ﻋﻴﻮﻥ ﺍﻟﻐﺎﺯ ﻓﻲ ﺧﻞ ﺍﺑﻴﺾ ﻟﻤﺪﺓ ﺭﺑﻊ ﺳﺎﻋﺔ ﺗﺮﺟﻊ ﻧﻈﻴﻔﺔ ﻭﺗﻠﻤﻊ  😣😣😣😣😣😣

الارز المعمر علي اصوله

الارز المعمر علي اصوله :)

🌸 المقادير 🌸
هتعملي 2 كوب ارز يعني هتحتاجي 2 كوب لبن ولازم يكون سخن مش بارد تمام كده
هعمل مثلا 2 كوب ارز
زبده او سمنه
قشطه اللبن

🌸 الطريقه 🌸
بنغلى اللبن اولا
فى صينيه بايركس او طبعا الاحسن الفخار لا يعلي عليه
 ونحط  الارز المغسول طبعا عليها الزبده ونفضل نقلب ومعاهم 2 معلقه قشطه وندعكهم ف بعض 
ثم نضيف اللبن 
ورشه ملح وممكن تحطي وسط الارز اللحمه وتكون مسلوقه 
بنسيب الرز ياخد كم غلوه على اعلي نار مع اللبن وباقى المكونات لغاية ما الرز يشرب نص كمية اللبن الموجوده فى الصينية .. بعد كده نوطب النار على درجة حراره 180 ْ درجه تسبيه يكمل سواه براحته لغاية ما ياخد الوش التحفه ده


للقطاقيط اول سنه جواز بياخد ساعه الاتلت في الفرن

المكرونه البشاميل الملظلظه

مكرونه بالبشاميل الملظلظه  :D

كيس مكرونه مسلوقه وبستخدم المكرونه القلم 
 ربع كيلو لحمه معصجه وعليها طمطمايه مبشورة
جبن مشكله وموتزاريلا او جبنه رومي مبشور
 بشاميل وبعمله بطريقه سهله اوي 2 معلقه سمنه وبقلب معاها 2 معلقه دقيق وبنزل بالتدريج 2 كوب لبن وبقلب لحد مااوصل للقوام المطلوب
الطريقه نحط بشاميل فى قاع الصينية وطبقه مكرونه متقلبه فى البشاميل وطبقه لحمه وجبنه وطبقه مكرونه تانى متقلبه فى البشاميل وعلى الوش باقى البشاميل وجبنه كتيرررررر
تدخل الفرن عشر دقائق الجبنه تسيح وتفتحلها الشوايه تحمر ده للناس اللى بتحبها سايحه وطريه وبتمط 
بتحبيها ماسكه سبيها فى الفرن ساعة 
تمام ياحلوين وبالهنا والشفا علي قلوبكم :)

 

رجيم الماء مفيش اسهل من كده

 رجيم الماء السريع لانقاص الوزن في 7 ايام

يساعدك رجيم الماء على حرق اكبر قدر من الدهون وانقاص الوزن خلال مدة اسبوع
وهو رجيم يتطلب قدرة عالية لانقاص الوزن من خلال الاعتماد على مشروب الماء.
ويستخدم الماء بشكل كبير في برامج تخسيس الوزن وذلك نظرا لعدم احتواءه على سعرات حرارية
ويساعد الماء على ازالة الدهون من الجسم من خلال اذابتها وعدم العمل على ترسيبها ، فعند امتلاء المعدة بالماء فإنها أولاً ستعطيك الشعور بالشبع وبالتالي قله شهيتك للطعام إذا كنت تأكل كميات كبيرة وتسبب لك زيادة الوزن ، لذلك فإن نظام رجيم الماء لابد من شرب كميات كبيرة من الماء وحسب الكمية المطلوبة والتي لا يجب الانقاص عنها طبقاً لبرنامج رجيم الماء ، فالنظام يتدرج في شرب أكواب الماء يومياً بداية بـ 4 أكواب يومياً على أن يتم زيادة كوب من الماء يومياً عن اليوم السابق .

برنامج رجيم التفاح الأخضر

• برنامج رجيم التفاح الأخضر:

   

  

   

• اليوم الأول:

خلال اليوم الأول من الرجيم مسموح لك فقط بتناول التفاح على ثلاث وجبات بما يعادل 1.5 كيلوجرام.

• اليوم الثاني:

وجبة الإفطار: تفاح أخضر.
وجبة الغداء: ثمرة تفاح واحدة + طبق سلطة خضراء بعصير الليمون بدون زيت + 2 شريحة جبن خالي الدسم.
وجبة العشاء: تفاح أخضر.

• اليوم الثالث:

الإفطار: شريحة من خبز القمح  + شريحة من الحبش (الديك الرومي) + ثمرة تفاح.
الغداء: ثمرة تفاح + طبق سلطة خضراء + 2 حبة جزر.
العشاء: ثمرة تفاح.

• اليوم الرابع:

الإفطار: شريحة من خبز القمح  + شريحة الحبش + تفاحة.
الغداء: 200 جرام من التونة بدون زيت مع سلطة الخضار المسلوقة ويمكن إضافة عصير الليمون حسب الرغبة.
العشاء: كوب من الحليب خالي الدسم مع مقدار كف اليد من رقاقات الكورن فليكس (رقائق الذرة) + تفاحة.

• اليوم الخامس والأخير من رجيم التفاح الأخضر:

الإفطار: شريحة من خبز القمحة الكاملة + بيضة مسلوقة + ثمرة تفاح.
الغداء: 200 جرام من الدجاج ويفضل الصدر لكن يجب أن يكون بدون الجلد أو نفس المقدار من لحم البقر المشوي مع السلطة الخضراء + ثمرة تفاح.
وينصح خلال إتباع الرجيم بممارسة الرياضة أو بزيادة الحركة ولو من خلال المشي لمدة تتراوح ما بين 15 : 30 دقيقة في اليوم. كما يفضل شرب حوالي 2 لتر من الماء يومياً مع ملاحظة أنه مسموح بتناول الجبن قليل الدسم أو اللحم الخالي من الدهون .

كيكه الجيلي الوهميه

كيكه الجيلي 😍😍

المقادير 

نص كيلو دقيق اسبونج ابيض وعليه 6 بيضات ونص كوبايه مايه دافيه ونضربها بالمضرب حوالي ربع ساعه 

وفي صينيه مقاس 26 نستخدم 2 باكو جيلي فراوله ونعمله بالطريقه العاديه وناخد منه كوبايه بس نشيلها في جمب

وفي الصينيه نحط باقي الجيلي ونقطع قطع موز اوفراوله 

وحطيتها في الثلاجه ساعتين

ونكون عملنا الكيكه ونسيبها تبرد ويكون الجيلي مسك نفسه 

ونحط الكيكه فوق الجيلي 

ونخرم الكيكه ونحط عليها كوبايه الجيلي اللي سبناها علي جمب 

وحطيها تاني في الثلاجه لمده ساعتين وبعدين نقلبها علي الوش وبالهنا والشفا 

بطاطس جراتان لازم تجربوها

بطاطس جراتان لازم تجربوها طريقه سهله وبسيطه وهتحبيها جداااا واولادك هيحبوها 😍😍

3 بطاطس متقطعين شرايح اتخن من الشيبسي 
علبه كريمه لباني 
 او 
لبن مدوب فيه قشطه
 ملح وفلفل 
رصي كله في البايركس بحيث السوايل تبقي مغطيه البطاطس حاجه بسيطه 
غطيه بفويل ودخليه الفرن لحد مايستوي خالص وبعدين حطي موتزاريلا علي الوش وولعي الشوايه تاخد لون وبس كده 😀

 

سلطه الرنجه بالمايونيز

 سلطه الرنجه بالمايونيز والطحينه اتمني تعجبكم حبايبي 😊😊
يلا بينا وادي صوره تشويقيه 😀😂

الرنجه هنسخنها لحد ما الجلد يكون سهل انه يتشال تمام كده 
هنفصصها وهنشيل منها السفا ونحطها في طبق 
نقطع بصل اخضر وفلفل اخضر وطماطم قطع و3 معالق كبار مايونيز ومعلقتين طحينه كبار 
وشويه زيت وشويه كمون وقلبي كله مع بعض 
وندخلها الثلاجه شويه وبالهنا والشفا علي قلوبكم 😍

شيش طاووق السهل الممتنع

 شيش طاووق 

السهل الممتنع
انا بحبه بصدور الفراخ بس اساسه الوراك والفرارجي اصلا بيعمله بالوراك لانه ارخص
صدور فراخ وقطعتها قطع ومعاها بصل وفلفل وطماطم وتبلت كله مع بعضه بزبادى ومسطردة وكاتشاب وبهارات فراخ ورشة زعتر وملح وشوية زيت وعلى أعواد الشيش بقى ورصيتها وعلى صينية سخنة اوى ادتها صدمة وعالفرن بقى يكمل سواه ومعاه سلطة طحينة والف هنا

العب ياصيف

رووووووعة اذا وصلك المنشور علقي بتم وحطي لايك :)

الرقاق الجميل اتمني تجربوه

 الرقاق الجميل اتمني تجربوه هيعجبكم اوي :)

 رقاق محشي لحمه وفراخ وفلفل اخضر ونحط عليهم حته جبنه قريش ونحط طبقه رقاق وبعد كده حطيت طبقه جبنه مشلله وبعدين حطيت الطبقتين التانين وبعدين بيضه وكوبايه لبن
وتدخل الفرن علي حراره 180 لحد ماتحمر واشغل الشوايه

 وسلطه طحينه بالزبادي والخيار عملتها بطحينه وخل وزيت ودقه توم وخل وفلفل احمر واخضر وتوابل وشطه وزبادي وجواها طرنشات خيار بس سلطه تتاكل لوحدها مش محتاجه حاجه معاها

الفراخ عامله قلبان في البيت

واليكم الفراخ المشوية اللي كانت عامله قلبان في البيت من ريحتها 😍

 كانت تحفه بجد
بجيب الفراخ وبتبلها قبل بيوم رشه ملح وفلفل وبابريكا وسماق وكاري ومبشور بصل  وتوم بودر وهي في التتبيله بعملها بالفحم تاخد ريحه
ولما اجب اعملها برضو وهي في الفرن بحط فحم مولعه معاها في الصينيه
بتاخد حوالي ساعه ونصف علي اعلي حراره في الفرن وبالهنا والشفا  :)
جربوها هتعجبكم اوي شجعوني بكومنت ودعوة حلوة واعملو متابعه بليز وشكرا

قراقيش سادة وبالعجوة 

 
كل سنة وانتم طيبين
انا بحبها ناعمة ودايبة شوية
كيلو دقيق عليه نص سمنة ملعقتين كبار سمسم ومعلقة خميرة ومعلقتين سكر ونعجن باللبن
تخمر نقسمها ونقطعها قطع ونفردها ونقطع ولو محشية نفردها ونحط الحشو وفوقها جزء كمان من العجينة وتدخل فرن ساخن تحمر من تحت وفوق تاخد اللون الحلو ده وبالهنا

بلح الشام مقرمش. من برا وجميل 💝💞

كوب وربع دقيق وكوب مياة وربع زيت 
وفانيليا ورشة ملح ومعلقة سكر كبيرة 
و3بيض ونجهز له شربات تقيل بارد
عالنار نحط كوب ماء ومعاه ربع كوب زيت ولما يغلى 
ننزل بالدقيق ونقلب لحد ما يختفى ويبرد الخليط ننزل بيضة بيضة ونقلب هتبقى عجينة لينة وطرية وملزقة هى كده 
ونحط اخر حاجة الفانيليا ورشة خل ونحطه ف كيس حلوانى وعلى زيت بارد لحد ما يتلون باللون الجميل ده وياخد وقته علشان يستوى من جوا تطلعه ع شربات تقيل بارد

قلب الباذنجان اوعي ترميه

 استفيدي من قلب الباذنجان :)

بصوا يا جماعه الطريقه دي اتعلمتها من امي حبيبه قلبي بعد ما بنقور البازنجان مش بنرمي القلب ولا القمع اللي فوق زي ما موضح بالصور وبحطهم في مايه بخل وملح عشان ميسودش لحد لما اخلص تقوير الكميه كلها وبعدين بصفيه واقليهم في معلقتين زيت واكون مجهزه فصين توم وليمون وخل وطحينه وكمون وفلفل احمر وملح واهرسهم زي بابا غنوج بيكون الطعم تحفه وفي نفس الوقت استفيد من البازنجان كله ومش برمي منه حاجه
جربي وان شاء الله هيعجبكم وقولولي رايكم